Härzlich Willkommä!

Schön , dass DU dä Wäg uf mini Homepage gfundä häsch.

​

Dä Schpagat zwüschäd Privatläbä und Bruäf, zwüschäd Schtress und Ruäh wird immer grösser. Mir läbed inärä sehr schnällläbigä Ziit, wo vo üs so einiges abverlangt wird und üs immer mal wieder vor chliineri und grössere Herusforderigä schtellt.

 

Vo üs wird erwarted, das mir Privatläbä und Bruäf in Iiklang bringet , dass mir glichziitig i üserem Job die höchschti Laischtig bringet und dihai für üseri Liäbschtä da sind und üs Ziit für si nähmet. Vielfach ä schwirigi Uufgab, wär vo üs isch dänn scho dä Superman oder d Superwoman uni di einte oder andere Schwäche?

 

Wer kännts nöd, mit dä Ziit chömed dänn seelischi oder körperlichi Beschwerdä, wo mir gärn mol ä ziitlang verhamlosed oder ignoriered. Üses innere Glichgwicht goht verlore und d Beschwerdä blibet dänn maischt länger als mirs üs gwünscht händ oder chömed immer mal wieder zrugg.

 

I sonere Phase isches wichtig än guetä, neutrale Berater zur Hand z ha, wo zämä mit DIR d Disharmoniere behebt und dir nüii Wäg ufzaigt, wie DU wieder id Harmonie mit Körper, Gaischt und Seel chunnsch.

 

Für mich isch jedä Mänsch einzigartig , was für dä einti passt, chan für dä anderi völlig falsch sii. Darum gits für mich kais richtig oder falsch. Äs isch immer as aaluegä, was für dä jewiilig Mänsch id däre Situation passend isch.

 

 

DU als Person mit DINÄ persönlichä Bedürfniss schtohsch bi mir im Mittelpunkt!

 

 

Ä guäti Beratig muäss für mich kompetent, professionell und individuell sii.

 

Du häsch grad äs Thema? Dä ghör ich gern vo DIR!

 

 

Härzlichscht

Manuela Steinmann