IMG_2474 klein.jpg

Über mich

Manuela Steinmann

Sit endi 2016 ünderschütz ich mini Kliäntä in ganz verschiidenä Läbenslagä.

Das Wort "unmöglich" han ich us mim Wortschatz gschtrichä. Für mich isch alles möglich und jedä Kliänt verdiänt die bescht möglichi Betröiig vo mir, egal obs um öppis muskulärs öppis seelisch oder öppis ganz anders goht. 

Ich bin sehr än eifach gschtrickti Person, hans gern luschtig und offe und ehrlich. Viilfach hani Lüüt bi mir i dä Praxis wo scho überall gsi sind und eifach mal ändlich öpper wettet , wo si als Mänsch und Person ernscht nind und sie mit all ihrnä Fähigkaitä gseht. 

Für mich sind zfridni Kliäntä s gröschtä Gschänk, wo au ich jedes Mal wieder öppis nüüs für mich döf däzue lehrä und mitnäh uf min Wäg.

Privat wohn ich mit mim Maa und üsem Hund in Tuggä, da han ich mis Herzäns-Dihai gfundä und tankä mini Batterie wieder uuf. 

 

Ufgwachsä bini im schöne Vorderthal, woni au hüt nu sehr gern gang go d Natur gnüssä. Scho sehr früä hani gwüsst, dasi mal wett i d Richtig Naturheilkund goh, Hömophatie häd mich immer bitz fasziniert. Doch wies dä Zuefall mängisch will, bini dänn bi dä TCM , dä chinesische Medizin glandet. Irgendwie hani dä s Gfühl gha, da muess es nu meh gä für mich und so hani dänn mich immer meh afange au mit emotionale Sache befasse und wiiterbildä, öppis schpannenders als üsi Ahnäliniä, üsi Emotionä und üsi seelischä Belangä hani bis jetz nonig gfundä:-) Ich liäbäs so viilsiitig z schaffä. Das isch für mich s Gröschtä und macht mir wahnsinnig Schpass.

IMG_5282 2.JPG

Mini Uusbildigä

Die Jugend ist die Zeit, die Weisheit zu lernen, das Alter ist die Zeit sie auszuüben 

(Jean-Jacque Rousseau)

2012 - 2016 Uusbildig zur Akupunkteurin
2012 - 2016 Studium weschtlichi Medizin 600 Stunden
2013 - 2016 Praktikum Schuälpraxis Biomedica Zürich
2014 Psychosomatik 1
2015 Psychosomatik 2
2015 Psychosomatik 3
2016 Psychosomatik 4
2017 Master Tung Akupunktur 1 & 2
2017 Uusbildig zur TCM Mykotherapeutin
2017 - 2018 Weschtlichi Chrüter
2018 Psychosomatik 5
2019 DNA Weight Control
2020 Uusbildung in Hypnose
2021 Grundkurs chinesischi Chrüter
2022 Augenakupunktur nach Dr. Boel

2022 innere Urtypen