Manuela Steinmann

Ich bin d Manuela Steinmann, gebürtigi Vorderthaleri :-) Ursprünglich han ich mol d Lehr als Uhrä- und Bijouterie Verchäuferi gmacht, churz nach dä Lehr hani dä ufs Büro gwächlset, wo ich au hüt nu in Teilziit mit viil Fröid schaffe.

Scho sehr früeh hani gwüsst, dass ich zuesätzli zum Büro nu öppis für mich wetti ha. 

Lang hani immer s Gfühl gha, dass d Hömöphatie s perfäkte für mich isch, doch per Zuefall bini dä a dä Biomedica Zürich glandet und bin am TCM Virus verfallä.

Für mich isch die chineschischi Medizin äs schpannends , viilsiitigs Gebiät, wo mich jede Tag ufs nüe fasziniert, erfüllt und natürlich au heruusforderet. :-)

Mit Mänschä schaffä z dörfe und sie en Tail uf ihrem persönliche Wäg z begleitä erfüllt mich mit tüüfer z Friedähait und Fröid. Mängisch bruchts ganz wenig, zum dä Lüüt öppis wertvolls mitgäh und das isch für mich äs riisä Gschänk.

Dur s immer grösser werdendi Inträssi a dä Psyche vom Mänsch, hani mi mittlerwil au im psychosomatische Beriich afange wiiterzbilde. Was gits intressanters als än Mänsch, äs einzigartigs Wesä?

Privat reise ich sehr gern zämä mit mim Maa. Die verschiidänä Kulturä faszinieret mich und gähnd mir immer wieder nüi Inputs für mini Tätigkeit als Therapeutin. Im Januar 2021 isch bi üs än chline Shiba Inu Welpä , dä Sam iizogä. Er isch üse ganzi Schtolz und erfröit üs jedä Tag ufs nüä. S Reise chund jetzt äs bitzeli chürzer, dafür sind mir etz wesentlich meh i dä Natur unterwägs.