Was isch TCM?

Diä traditionell chineschischi Medizin (TCM) isch äs umfassänds Medizinsyschtem, wo im Lauf vo dä letschtä 2500 Johr in China entschandä isch.

 

I dä TCM hangt Gsundhait vom Mänsch vom Gliichgwicht zwüschäd dä gägäsätzliche Chräft vo Yin und Yang ab. Solang Yin und Yang im Gliichgwicht sind, bliibet Körper und Gaischt gsund. Wird ei Chraft jedoch übermässig schtarch oder schwach , füährt das zumene Ungliichgwicht und zu Beschwerdä.

 

S Zämäwürkä vo Yin und Yang, vo chalt zu warm, vo passiv zu aktiv loht än Art vo Läbäns-Energie , bekannt als Qi (Uusproch: tschii) entschtoh. Qi flüsst uf klar erchännbare Bahnä, dä Meridian oder dä Leitbahnä und verdindät Regionä und Tail vom Körper mitenand.

 

Genau wie s Yin und Yang muäss au s Qi in Harmonie sii. Solang Qi in gnüegändär Mängi im ganze Körper frii zirkulierä chan, isch dä Mänsch psychisch und physisch gsund und beschwärdefrii. Beschwerdä werdet hervorgruäfä durch gschtörti Qi-Flüss. Darum liid s Hautpziel vo dä Behandlig immer ufem Uusglich vo Ying und Yang und i dä Gwährlaischtig das s Qi frii flüsse chan.