Hypnosä

Hypnose, Unbewusstes wird uns bewusst!
Hypnose, Unbewusstes wird uns bewusst!

Hypnosä isch än Kommunikationsform uf verbaler und nonverbaler Ebeni. Si zielt druf ab, am Klient z hälfä in än tüüferä Bewusstsiis-Zueschtand z gelangä. In än sogenannti Trance.

 

D Uufmerksamkeit wird nach innä grichtät, dä Alltäg ruckt ä bitz id Färni. 

 

Trancä unteschaidet sich vo üserem Alltagsbewusstsii, inere Trance z. B. chan ich d Uufmerksamkeit bündlä, Gfühl verschtärchä oder abschwächä, Wahrnemigä wiä Schmärzä chönd veränderet werdä, will d Kreativität vom Klient gschteigeret und sinnbezogener isch und dur die Öffnig werdet nüi Lösigä möglich.

 

 

Hypnosä isch än konsequent ich-schtärchendi Therapieform, wo die eignä Ressourcä vom Klient nutzbar machäd. Si verhilft am Klient zumene besserä Sälbschtbild und zu realistischerä Warhnemigä vo sich sälber. Dur das wird s Sälbschthilfepotenzial , sowie die krativitä Fähigkeitä vom Klient gförderet.

 

Dur d Entschpannig vo dä Hypnose chan z. b.  bi Schlafschtörigä , Ängscht oder Nervosität  sehr schnell än Besserig iträffä.